भाइरल भइरहेको थियो निक जोनसको सिंगल फोटो, प्रियंकाले एडिट गरिन् र त्यसपछि…

प्रियंका चोपडा र निक जोनस बलिउडमा मात्रै नभई हलिउडका पनि पावर कपल्समा समावेश भइसकेका छन् । प्रियंका र निकको रोमान्टिक तस्बिर सोसल मिडियामा भाइरल भइरहन्छन् । दुबै बीचको बन्डिङ र केमेस्ट्रीको चर्चा अत्यधिक हुने गर्छ ।

प्रियंका र निक छायाको रुपमा एक–अर्काको साथमा रहन्छन् । यद्यपि, हालै एक अवार्ड कार्यक्रममा प्रियंका श्रीमान् निकसँग देखिइनन् । उक्त कार्यक्रममा जोनस ब्रदर्सले उनीहरुको नयाँ पप गीत ‘सकर’ का लागि अवार्ड पाए ।

अवार्ड कार्यक्रममा निक जोनस जोन जनस र केविन जोनससँग पुगेका थिए । दुबैका श्रीमती पनि श्रीमानलाई सपोर्ट गर्न पुगेका थिए । अवार्डको घोषणा भएलगत्तै जोकी श्रीमती सोफी टर्नर केविनकी श्रीमती ड्यानियलले आफ्ना श्रीमानलाई चुम्बन गरे । तर प्रियंका अनुपस्थित हुँदा निक एक्लै उभिए ।

कार्यक्रममा एक्लै उभिएका निकको तस्बिर सार्वजनिक भएलगत्तै सोसल मिडियामा चर्चित भयो । निकलाई यसरी एक्लो देख्दा सायद प्रियंकालाई राम्रो लागेन । यस्तोमा प्रियंकाले निकको भाइरल भइरहेको तस्बिरमा फोटोशप गरेर आफूलाई फिट गराइन् । प्रियंकाले निकसँग आफ्नो एडिटेड तस्बिर सोसल मिडियामा सेयर पनि गरिन् ।

फोटोमा प्रियंकाले निकलाई अँगालो हालिरहेको देखिएकी छिन् । निकसँगको आफ्नो एडिटेड फोटो सेयर गर्दै प्रियंकाले क्याप्सनमा लेखिन्, ‘म सधैं तिम्रो साथमा छु ।’

स्मरण रहोस्, प्रियंका आजकाल बलिउड प्रोजेक्ट द स्काई इज पिंकको रिलिजको प्रतिक्षा गरिरहेकी छिन् । फिल्मलाई सोनाली बोसले निर्देशन गरेकी हुन् । फिल्ममा फरहान अख्तर, जायरा वसिम र रोहित सराफ मुख्य भूमिकामा छन् ।