के सलमानले रानूलाई दिए ५५ लाखको घर ?

सोसल मिडियामा सक्रिय हुनेहरुलाई पक्कै पनि रानू मण्डल को हुन् थाहा होला । लता मंगेशकरको स्वर रहेको ‘एक प्यारका नगमा हे’ गीत गाएर रातारात इन्टरनेट सेन्सेसन बनेकी रानूको जीवनले यस्तो मोड लिएको छ कि उनको संसार नै बदलिएको छ ।

संगीत निर्देशक हिमेश रेशमियाले उनलाई आफ्नो फिल्म ह्याप्पी हार्डी एण्ड हिरमा गाउने मौका दिएका छन् । तर रानूबारे एउटा यस्तो खबर सोसल मिडियामा भाइरल भइरहेको छ जसबारे थाहा पाउँदा तपाईं चकित हुनुहुनेछ ।

यो पनिः
रानाघाट स्टेशनमा गीत गाएर गुजारा गर्ने रानूको सलमान खानसँग सम्बन्ध, यत्तिकै हिमेशले दिएनन् मौका
स्मरण रहोस्, जब रानूको सुरिलो स्वरको भिडियो इन्टरनेटमा भाइरल भएको थियो तब हिमेशले एक सिंगिंग रियालिटी शोमा उनलाई बोलाएर गीत गाउन लगाए र आफ्नो फिल्ममा गीत गाउन लगाउने भनेर घोषणा गरे । हिमेशले आफ्नो बचन पनि निभाए । ह्याप्पी हार्डी एण्ड हिरमा रानूले तेरी मेरी कहानी रेकर्ड गरेकी छिन् जसको एउक भिडियो सोसल मिडियामा धेरैले हेरेका छन् ।

यस्तै, सोसल मिडियामा सलमान खान रानूको मद्दतका लागि अग्रसर भएको चर्चा पनि अत्यधिक छ । सलमानले उनलाई ५५ लाखको घर दिएको भन्ने खबर निकै फैलिएको छ । सलमानले रानूलाई आफ्नो नयाँ फिल्म दबंग थ्री मा गीत गाउन लगाउने बताइएको छ । यद्यपि, यी खबरको अहिलेसम्म आधिकारिक पुष्टि भने भएको छैन । यसै पनि सलमान बलिउडमा आफ्नो सहयोगी छविका लागि चर्चित छन् ।

रानू पश्चिम बंगलाको रानाघाटमा बस्छिन् र त्यहाँ स्टेशनमा फिल्मको गीत गाएर गुजारा गर्थिन् । यतिबेला स्थानीय युवक अतिन्द्रले उनको भिडियो रेकर्ड गरेर सोसल मिडियामा पोष्ट गरेका छन् । भिडियो भाइरल भयो र रानू स्टार बनिन् ।