दोस्रो पटक आमा बनिन् ईशा देओल, छोरीको नाम राखिन् मिराया

ईशा देओल दोस्रो पटक आमा बनेकी छिन् । उनले जून १० मा छोरीलाई जन्म दिइन् । ईशा र उनका श्रीमान् भारत तख्तानीले आफ्नी छोरीको नाम मिराया राखेका छन् । ईशाले आफ्नो इन्स्टाग्राममार्फत् यसबारे जानकारी दिएकी हुन् ।

ईशाले एक सुन्दर पोष्टमार्फत छोरीको जन्मको खुसी साझा गरिन् । यो पोस्ट सेयर गर्दै उनले लेखिन्, ‘तपाईंहरु सबैको प्रार्थना र प्रेमका लागि धन्यवाद ।’

ईशाको इन्स्टाग्राम पोस्टः

ईशाले आफ्नो दोस्रो गर्भको घोषणा जनवरीमा सोसल मिडियामार्फत् गरेकी थिइन् । उनले जेठी छोरी राध्याको एउटा फोटो सेयर गरेकी थिइन् जसमा लेखिएको थियो, ‘म चाँडै नै दिदी बन्न लागेकी छु ।’

अक्टोबर सन् २०१७ मा भएको थियो छोरी राध्याको जन्मः

त्यसपछि उनले गत महिना आफ्नो बेबी सावरको फोटो सेयर गरेकी थिइन् । ईशाकी जेठी छोरीको जन्म अक्टोबर सन् २०१७ मा भएको थियो ।