आमिर खानका भाञ्जा इमरान खान यस्तो भए ? चिन्नै मुश्किल

आमिर खानका भाञ्जा इमरान खानले ‘जाने तु या जाने ना’ फिल्मबाट बलिउडमा डेब्यू गरेका थिए । उनले यो फिल्मबाट चकलेटी हिरोको रुपमा आफूलाई स्थापित गराएका थिए । तर हालै उनको एउटा फोटो सार्वजनिक भएको जसमा उनलाई चिन्नै गाह्रो भइरहेको छ ।

इमरान खानलाई मुम्बईको जिमबाट भेटिएको हो । उनी निकै दुब्लो देखिएका छन् । उनले यस्तो फोटो देखेर सोसल मिडिया प्रयोगकर्ताले उनलाई सायद सञ्चो नभएको अनुमान गरिरहेका छन् । कतिले उनको तस्बिर हेरेर चिन्तासमेत व्यक्त गरिरहेका छन् ।

यसबाहेक इमरान खान श्रीमती अवन्तिकासँग सम्बन्धविच्छेदको खबरका कारण पनि चर्चामा छन् । भारतीय मिडियाका अनुसार यी दुईबीचको सम्बन्ध ठिक नभएको र विच्छेदको स्थितीमा आइपुगेको छ ।

एक कार्यक्रमका बेला सम्बन्धविच्छेदको खबरबारे जब इमरानलाई प्रश्न सोधियो तब उनले फोटोग्राफर्स र भिडियोग्राफर्सलाई हेरेर मुस्कुराए र भने, ‘तपाईंहरु कार्यक्रममा यस्तो प्रकारको प्रश्न कसरी सोध्न सक्नुहुन्छ ?’्

यद्यपि, अवन्तिकाकी आमाले दुबैको सम्बन्धबारे आइरहेको खबरलाई खारेज गरेकी थिइन् । उनले दुबैको सम्बन्धविच्छेदको खबरलाई गलत बताइन् । यद्यपि, उनले दुबैबीच आपसी मतभेद भएको जुन चाँडै नै ठिक हुने कोसिस जारी भएको बताइन् ।

स्मरण रहोस्, इमरान र अवन्तिकाले ८ वर्षसम्म डेटिङपछि सन् २०११ मा विवाह गरेका थिए । यी दुईका एक छोरी पनि छन् ।

छोरीको जन्म सन् २०१४ मा भएको हो ।