ब्राड पिटले एन्जेलिनालाई सम्बन्धविच्छेद गर्न दिए धम्की

हलिउड अभिनेता ब्राड पिटले एन्जेलिना जोलीलाई सम्बन्धविच्छेद गर्न दबाब दिएका छन् । उनीहरु सन् २०१६ मा सम्बन्धविच्छेदको लागि निवेदन दिएका थिए ।

सम्बन्धविच्छेदको लागि निवेदन दर्ता गराएपनि जोलीले कागजपत्रमा हस्ताक्षर नगरेपछि उनीहरुको सम्बन्धविच्छेद रोकिएको हो । जोलीले हस्ताक्षर नगरेपछि पिटले अल्टिमेटम दिएका छन् । उनले जोलीलाई सम्बन्धविच्छेदको मिति तोक्ने वा अदालतमा फाइन तिर्नेमध्ये एउटा गर्न दबाब दिएका हुन् ।

पिटका नजिकका साथीका अनुसार उनी एकदमै शान्त स्वभावका मानिस हुन् । तर जोली भने सम्बन्धविच्छेद गर्न आनाकानी गरिरहेकी छिन् । उनी हरेक महिना कुनै न कुनै बाहाना गरेर पछाडि हटिरहेकी छिन् ।

उनीहरुले आपसी मनमुटावका कारण एक अर्काबाट टाढिने निर्णय लिएका थिए ।