फिल्म ‘मिस्टर भर्जिन’को प्रदर्शन मिति तय

फिल्म ‘मिस्टर भर्जिन’ले आफ्नो प्रदर्शन मिति तय गरेको छ । फिल्म अब आँउदो बर्ष २०७५ को भदौ १ गते रिलिज हुने भएको छ ।

वोर्ल्ड वाइड फिल्म्स डिस्ट्रिव्यूसन प्रा.लीको ब्यानरमा निर्माण भएको फिल्म ‘मिस्टर भर्जिन’लाई विशारद बस्नेतको निर्देशन गरेका हुन् । फिल्ममा गौरव पहारी , विजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ ।

केही समय अघि फिल्ममा रहेको ‘टुल्की’ बोलको गीत युट्युबमार्फत सार्वजनिक गरिएको थियो । फिल्ममा महेश दवाडीको कथा, रामेश्वर कार्कीको छायाङ्कन, विक्रम स्वाँर. दीपक याम सिंहको कोरियोग्राफी ,सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको सङ्गीत र मिलन डी. काप्रीले सम्पादन रहेको छ । फिल्ममा टेक्निकल हेडको रूपमा दशरथ गिरी रहेका छन् ।

सह निर्मातामा सन्दिप उप्रेती रहेका फिल्म मिस्टर भर्जिन’तीन युवाको यौन मनोविज्ञानको कथालाई लिएर निर्माण गरिएको छ । भने फिल्ममा  खिलेन्द्र तिमल्सिना, प्रजापति सिवाकोटी, मुकेश रेग्मी र बिशारद बस्नेतको लगानी रहेको छ ।